Posts
Featured
නිදහස් අධ්‍යාපනයේ ස්වරූපය - Nidahas Adyapanaye Swarupa
කර්තෘ - ආචාර්ය ඇන්.ඇම්. පෙරේරා මිල - රු. 175/- සී.ඩබ්ලිව්.ඩබලිව්. කන්නන්ගරගේ නිදහස් අධ්‍යාපන ව්‍යාපාරයට ඌනපූරණ ඉදිරිපත් කරමින්ද, ඊට එරෙහිව නැගුණු ඉහළ පාන්තික විරෝධතාවන් මතවාදීව පරාජය කරමින්ද, ඇන්.ඇම්. මෙරට නිදහස් අධ්‍යාපනයේ පරිසමාප්තතාව උදෙසා මෙම කෘතිය සම්පාදනය කළේ බෝගම්බර සිරගෙදර සිටය. විශේෂයෙන්ම දෙවැනි රාජ්‍ය මන්ත්‍රණ සභාවේ අධ්‍යාපනය සඳහා වූ විශේෂ කොමිටියේ දුබලතාවන් විවේචනයටත් ප්‍රබලතාවන්හි ස්ථාවරත්වය සඳහාත් මෙම කෘතිය රචනා කර ඇති බව දැක්වෙයි. අධ්‍යාපන අමාත්‍යාංශයේ හිටපු ලේකම් ආචාර්ය ප්‍රේමදාස උඩගම සහ හිටපු අමාත්‍ය බැටී වීරකෝන් විසින් රචිත පෙරවදන් දෙකකින්ද කෘතිය සංගෘහිතය. ■ ඔබේ පිටපත ලබා ගැනීමට අමතන්න - ශිරෝනි 0773 124 852
ඉන්දීය ව්‍යවස්ථාව ජාතියක පදනම බිහිවීමේ කතාව - Indiya wyawasthawa jathiyaka padhanama bihiwime kathawa
කර්තෘ - ග්‍රැන්විල් ඔස්ටින් පරිවර්තනය - නිශාන්ත කුලරත්න මිල රු : 550/= සමස්ත ඉන්දියාවම නියෝජනය කරන ලෙස සම්පාදිත ව්‍යවස්ථාවක් ලෙස ඉන්දීය ආණ්ඩුක්‍රම ව්‍යවස්ථාව හැඳින්විය හැකිය. ඒ සඳහා ගොඩනැගූ ව්‍යවස්ථා සභාවේ මුළු මහත් බලය ඉන්දීය ජාතික කොංග්‍රසය සතුවිය. එසේ තිබියදීත් පුද්ගල හා පටු දේශපාලන වුවමනාවන්ට ඉන්දීය ව්‍යවස්ථාව ගොදුරු නොවීය. මේ සමස්ත වැඩසටහන සිදුවු ආකාරයත් එහි උපායමාර්ග හා දර්ශනයන් ග්‍රැන්විල් ඔස්ටින්ගේ කෘතිය ප්‍රතීයමාන කරයි. රාවය ප්‍රකාශනයක් ලෙස එළිදකින මෙම කෘතිය නව ව්‍යවස්ථා සම්පාදනයක් උදෙසා කකුල පෙරට තබා සිටින ලාංකීය ආණ්ඩුක්‍රම ව්‍යවස්ථා අභ්‍යාසයට මහත් පිටිවහලක් වනු ඇත. ඔබේ පිටපත ලබා ගැනීමට අමතන්න - ශිරෝනි 0773 124 852
58 හදිසි අවස්ථාව - 58 hadisi awasthawa
කර්තෘ: ටාසි විට්ටච්චි මිල රු: 450/= “ඔබ හෝ එකම එක දෙමළකු හෝ ඉතුරු වෙතැයි නොසිතනු. ඔබලා ගිනිගත් පන්දම් බවට පත් කිරීමට සැහෙන තරම් පෙට්‍රල් අප ළඟ තිබේ. දෙමළ ගෙවල් සොහොන් කොත් කරන්නෙමු (58 හදිසි අවස්ථාව) 1958 හදිසි නීති අවස්ථාවට පාදක වුයේ උක්ත වදන් වලින් මුර්තිමත් වු වෛරයේ නැගීමය. ඩී. එස්ගේ පුරවැසි පනතෙහි සිට බණ්ඩාරනායකගේ සිංහල පනත පැනවීම දක්වා කාලය තුළ අන්‍ය ජාතීන් පිටු දැකීමේ ක්‍රෑර වුවමනාව මුවහත්විය. 58 මැයි, ජූනි කාලය අතර මහා ලේ වැගිරීම සිදු කළ ජාති භේද කලහය එහි කූටප්‍රාප්තියයි. සිලෝන් ඔබ්සර්වර් කර්තෘ ටාසි විට්ටච්චි 58 අගෝස්තුවේදී මෙම කෘතියේ අත් පිටපත රැගෙන එංගලන්තයට පැමිණියේය. ඒ හදිසි නීතිය යටතේ එය ලංකාවේ පළ කිරීමට නොහැකි නිසාය. නිසංසල හදවත් දෙදරවන මෙම පොතෙහි අඩංගු කතා පුවත දෙස සංවේගයෙන් මෙන්ම “විචාරශීලීව හැරී බැලීමකින් තොරව ලංකාවේ ජාතීන් අතර ප්‍රශ්නය තේරුම් ගැනීම උගහටය.
ඇන්.ඇම්. උසාවිය අමතයි - n.m. usawiya amathayi
මිල - රු. 80/-කි. කම්කරු ජනතාව සංවිධානය කරමින්, විශේෂයෙන්ම වතු ජනයාගේ වෘත්තීය අයිතීන් දිනාගැනීමේ වර්ජන ඇති කිරීම නිසා 1940 ජූනි 18 ඇන්.ඇම්. පිලිප් ඇතුළු නායකයෝ සිරභාරයට පත්වූහ. 42දී ජපනුන් ලංකාවට බෝම්බ හෙළීමට මුවාවී අධිරාජ්‍යවාදයට හා ෆැසිස්ට්වාදයට එරෙහිව සටන් කළ මෙම නායකයන් මරා දැමීමේ තැතක්ද මෙරට සුදු පාලකයෝ දැරූහ. 42 අප්‍රේල් 05 ඇන්.ඇම්. ඇතුළු පිරිස හිරෙන් පැන ඉන්දියාවට යන්නේ ඒ අනුවය. වසරකට පමණ පසුව අත්අඩංගුවට පත්ව මෙරට අධිකරණයට ඉදිරිපත් කිරීමෙන් පසුව ඇන්.ඇම්. උසාවිය අමතා කළ සුප්‍රසිද්ධ කතාව රාවය ප්‍රකාශනයක් ලෙස නිකුත් වී ඇත. බදුල්ල උසාවියේ පැවති එම නඩු විභාගයේදී තමා පැමිණිලිකරු බවත්, ආණ්ඩුකාරයා විත්තිකාරයා බවත් ඇන්.ඇම්. අභීතව කීවේය. මෙම කෘතිය ආචාර්ය කොල්වින් ආර්. ද සිල්වා සහ විවියන් ගුණවර්ධන ලියූ සාරගර්භ පෙරවදන් දෙකකින්ද සමන්විතය. ■ ඔබේ පිටපත ලබා ගැනීමට අමතන්න - ශිරෝනි 0773 124 852
සමාජවාදය සහ ක්‍රිස්තියානි සංඝ - Samajawadaya Saha Kristiyani Sanga
පරිවර්තනය- සේපාල විජේසේකර මිල-රු.200/= මෙය ආදී ක්‍රීස්තියානි ධර්මය හා ඒ වටා පැන නැගි සංඝ ( කොමියුන) කේන්ද්‍ර කරගත් විචාරාත්මක විශ්ලේෂනයකි. මෙසේ වුවත් එය පොදුවේ සියලු ආගම් සම්බන්ධයෙන් මාක්ස්වාදීන් දරන ආල්පය ඉතා පැහැදිලිව ගෙන හැර පායි. ඔබේ පිටපත ලබා ගැනීමට අමතන්න - ශිරෝනි 0773 124 852
71 කැරැල්ල - 71 Kerella
අධ්‍යාපන අමාත්‍යාංශයේ පුස්තකාල සඳහා අනුමැතිය ලද කෘතියකි. කර්තෘ - වික්ටර් අයිවන් මිල - රු. 500/- සහභාගිීත්ව නිරීක්ෂණයන් සහිත මෙම කෘතිය 71 කැරැල්ල පිළිබඳ පැතිරුණු දේශපාලන විචාරයකට එළඔී ග්‍රන්ථයකි. කතුවර වික්ටර් අයිවන් මෙම කෘතයි පුරා දේශපාලන විශ්ලේෂකයකු ලෙස වඩා මැදහත් භූමිකාවකට මග පාදාගෙන තිබීම කෘතියේ ප්‍රශස්ත බවට වැදගත්ම සාක්ෂියකි. ඔබේ පිටපත ලබා ගැනීමට අමතන්න - ශිරෝනි 0773 124 852